Յուրաքանչյուր անձ (վարկային տեղեկատվության սուբյեկտ) կարող է տեղեկանալ իր վարկային պատմության մասին՝ պատվիրելով վարկային զեկույցը «Հայփոստ»-ի բոլոր բաժանմունքների միջոցով:

Համապատասխան մասնագետի կողմից տրամադրված դիմումը լրացնելուց և վճարումը կատարելուց հետո 3-5 աշխատանքային օրվա ընթացքում վարկային զեկույցը կառաքվի դիմումում նշված հասցեով:

«ՀայՓոստ» ՓԲԸ-ի միջոցով վարկային զեկույց ստանալու համար անհրաժեշտ են հետևյալ փաստաթղթերը`

Ֆիզիկական անձ- վարկային տեղեկատվության սուբյեկտի (Սուբյեկտ) անձամբ ներկայանալու դեպքում.

• Սուբյեկտի անձնագիրը և դրա պատճենը կամ նույնականացման քարտը և դրա պատճենը,
• Սուբյեկտի սոցիալական քարտը և դրա պատճենըը (ոչ պարտադիր),
• Հատուկ դեպքերում ԱՔՌԱ-ի կողմից պահանջվող այլ փաստաթղթեր:

Սուբյեկտի անունից այլ անձի (լիազորված անձի) ներկայանալու դեպքում` 

• Լիազորագիր` տրված Սուբյեկտի կողմից (նոտարական վավերացմամբ),
• Լիազորված անձի անձնագիրը և դրա պատճենը կամ նույնականացման քարտը և դրա պատճենը (այն փաստաթուղթը, որը նշված է լիազորագրում),
• Հատուկ դեպքերում ԱՔՌԱ-ի կողմից պահանջվող այլ փաստաթղթեր:

Իրավաբանական անձ-վարկային տեղեկատվության սուբյեկտի (Սուբյեկտ) գործադիր մարմնի ղեկավարի ներկայանալու դեպքում.

• Սուբյեկտի պետական ռեգիստրի գրանցման վկայականը և պատճենը,
• Սուբյեկտի գործադիր մարմնի ղեկավարի անձնագիրը և պատճենը կամ նույնականացման քարտը և դրա պատճենը (այն փաստաթուղթը, որը նշված է Սուբյեկտի պետական ռեգիստրի գրանցման վկայականում),
• Կնիք (առկայության դեպքում),
• Հատուկ դեպքերում ԱՔՌԱ-ի կողմից պահանջվող այլ փաստաթղթեր:

Սուբյեկտի գործադիր մարմնի ղեկավարի փոխարեն այլ անձի ներկայանալու դեպքում.

• Լիազորագիր` տրված Սուբյեկտի գործադիր մարմնի ղեկավարի կողմից,
• Լիազորված անձի անձնագիրը և դրա պատճենը կամ նույնականացման քարտը և դրա պատճենը (այն փաստաթուղթը, որը նշված է լիազորագրում),
• գործադիր մարմնի ղեկավարի անձնագրի կամ նույնականացման քարտի պատճենը (այն փաստաթուղթը, որը նշված է Սուբյեկտի պետական ռեգիստրի գրանցման վկայականում),
• Կնիք (առկայության դեպքում),
• Հատուկ դեպքերում ԱՔՌԱ-ի կողմից պահանջվող այլ փաստաթղթեր: