ԱՇԽԱՏԱՏԵՂԻ ԱՆՎԱՆՈՒՄԸ`      ՏԵՂԵԿԱՏՎԱԿԱՆ ԱՆՎՏԱՆԳՈՒԹՅԱՆ ՄԱՍՆԱԳԵՏ

ԱՇԽԱՏԱՆՔԻ ՎԱՅՐԸ՝                   ԵՐԵՎԱՆ

ԱՇԽԱՏԱՆՔԱՅԻՆ ԳՐԱՖԻԿԸ՝     ԱՄԲՈՂՋ ՕՐԸ (8 ժամ, 9:00-18:00, ընդմիջումը՝ 13։00 – 14։00)

ՊԱՐՏԱԿԱՆՈՒԹՅՈՒՆՆԵՐԸ

• Վերահսկել ընկերության ներքին համակարգերը՝ ապահովելով հասանելիության սահմանված մակարդակների պահպանումը։
• Գնահատել տեղեկատվական անվտանգության ռիսկեր և մշակել դրանց կառավարման պլաններ։
• Կազմել տեղեկատվական անվտանգության միջադեպերի վերաբերյալ հաշվետվություններ։
• Կառավարել և սպասարկել տեղեկատվական անվտանգության ապահովման գործիքները։
• Պարբերաբար պատրաստել տեղեկատվական անվտանգությանն առնչվող խնդիրների վերաբերյալ հաշվետվություններ։
• Ապահովել SIEM (Security Information and Event Management) համակարգի բաղադրիչների սպասարկումն ու կառավարումը։
• Կառավարել և վերլուծել SIEM համակարգում գրանցված իրադարձությունների մատյանները (audit logs), կազմել համապատասխան հաշվետվություններ։
• Վերահսկել և կառավարել ընկերության աշխատակիցների՝ համակարգերից օգտվելու հասանելիության իրավունքները։
• Ապահովել նոր հարցումների համապատասխանությունը ընկերության հաստատված անվտանգության քաղաքականություններին և ստանդարտներին։
• Իրականացնել ցանցերի կարգաբերում (network configuration) և տվյալների փոխանցման երթուղիների կառավարում (routing)։

ՊԱՀԱՆՋՎՈՂ ՈՐԱԿԱՎՈՐՈՒՄԸ ԵՎ ՀՄՏՈՒԹՅՈՒՆՆԵՐԸ

• Բարձրագույն կրթություն համապատասխան մասնագիտական ոլորտում (առնվազն բակալավրի աստիճան)։
• Առնվազն 5 տարվա աշխատանքային փորձ՝ որպես ցանցային կամ համակարգային ադմինիստրատոր (լրիվ դրույքով)։
• Windows և Unix օպերացիոն համակարգերի իմացություն։
• MySQL տվյալների բազայի կառավարման համակարգի իմացություն։
• Cisco և Palo Alto Firewalls ցանցային անվտանգության համակարգերի հետ աշխատելու գործնական փորձ։
• Ցանցային արձանագրությունների, տվյալների փոխանցման երթուղիների կառավարման (OSPF, BGP), ինչպես նաև NAT և ACL տեխնոլոգիաների խորքային իմացություն։
• Տեղեկատվական անվտանգության հետևյալ տեխնոլոգիաների և համակարգերի խորքային իմացություն՝ VPN, Firewall, WAF, IDS/IPS, DLP, EDR, NAC, SIEM և PAM։
• Տեղեկատվական անվտանգության սկզբունքների, գործընթացների, արձանագրությունների և գործիքների իմացություն, այդ թվում՝ օգտատերերի նույնականացում և հասանելիության վերահսկում, կիբերհարձակումների հայտնաբերում, ցանցային տրաֆիկի վերլուծություն, անվտանգության միջադեպերի կառավարում, թվային կրիչների և վնասաբեր ծրագրերի վերլուծություն։
• ISO 27001 միջազգային ստանդարտի պահանջների և կիրառման լավագույն փորձի իմացություն։
• Հայերեն, անգլերեն և ռուսերեն լեզուների իմացություն։
• Ժամանակի կառավարման, աշխատանքների պլանավորման և հաշվետվությունների պատրաստման հմտություններ։

ԱՇԽԱՏԱՎԱՐՁԸ

Մրցակցային աշխատավարձ, բոնուսներ, առողջության ապահովագրություն և այլ առավելություններ:

ԻՆՉՊԵՍ ԴԻՄԵԼ

Բոլոր հետաքրքրված անձինք, ովքեր համապատասխանում են նշված պահանջներին, կարող են ուղարկել ինքնակենսագրություն (ռեզյումե) հետևյալ էլեկտրոնային հասցեին` hr@acra.am թեմայի դաշտում (Subject) պարտադիր նշելով «Տեղեկատվական անվտանգության մասնագետ» պաշտոնի անվանումը:

Հարցազրույցի կհրավիրվեն միայն փաստաթղթային փուլում ընտրված հավակնորդները:

ՎԵՐՋՆԱԺԱՄԿԵՏԸ՝ 30 նոյեմբեր 2026թ.

ԱՇԽԱՏԱՏԵՂԻ ԱՆՎԱՆՈՒՄԸ`      ՄԱՐՔԵԹԻՆԳԻ ՄԱՍՆԱԳԵՏ

ԱՇԽԱՏԱՆՔԻ ՎԱՅՐԸ՝                   ԵՐԵՎԱՆ

ԱՇԽԱՏԱՆՔԱՅԻՆ ԳՐԱՖԻԿԸ՝     ԱՄԲՈՂՋ ՕՐԸ (8 ժամ, 9:00-18:00, ընդմիջումը՝ 13։00 – 14։00)

ՊԱՐՏԱԿԱՆՈՒԹՅՈՒՆՆԵՐԸ

• Մասնակցել մարքեթինգային ռազմավարությունների մշակմանը և իրականացմանը։
• Առաջարկել նորարար գաղափարներ, նոր ծառայություններ և պրոդուկտներ՝ հիմնվելով միջազգային փորձի և շուկայի ուսումնասիրության վրա։
• Նախագծել և իրականացնել մարքեթինգային և թվային արշավներ՝ ապահովելով ժամանակացույցի արդյունավետ կառավարում։
• Ստեղծել տարբեր տեսակի կոնտենտ՝ փաստաթղթեր, սոցիալական ցանցերի հրապարակումներ, տեղեկատվական նյութեր, վիդեոներ և այլն։
• Վարել և զարգացնել ընկերության վեբ-կայքը և սոցիալական հարթակները (Instagram, Facebook և այլն)։
• Վերլուծել արդյունքները, կազմել հաշվետվություններ և ներկայացնել բարելավման առաջարկներ։
• Սերտ համագործակցել ներքին թիմերի և արտաքին գործընկերների հետ։

ՊԱՀԱՆՋՎՈՂ ՈՐԱԿԱՎՈՐՈՒՄԸ ԵՎ ՀՄՏՈՒԹՅՈՒՆՆԵՐԸ

• Բարձրագույն կրթություն և առնվազն 2 տարվա աշխատանքային փորձ մարքեթինգի, բիզնեսի կամ հարակից ոլորտում։
• Ստեղծագործ և նորարար մտածողություն, զարգացած հետազոտական հմտություններ։
• Թիմային աշխատանքի և հաղորդակցման գերազանց հմտություններ։
• Հայերեն, անգլերեն և ռուսերեն լեզուների գերազանց իմացություն (գրավոր և բանավոր)։

ԱՇԽԱՏԱՎԱՐՁԸ

Մրցակցային աշխատավարձ, բոնուսներ, առողջության ապահովագրություն և այլ առավելություններ:

ԻՆՉՊԵՍ ԴԻՄԵԼ

Բոլոր հետաքրքրված անձինք, ովքեր համապատասխանում են նշված պահանջներին, կարող են ուղարկել ինքնակենսագրություն (ռեզյումե) հետևյալ էլեկտրոնային հասցեին` hr@acra.am թեմայի դաշտում (Subject) պարտադիր նշելով «Մարքեթինգի մասնագետ» պաշտոնի անվանումը:

Հարցազրույցի կհրավիրվեն միայն փաստաթղթային փուլում ընտրված հավակնորդները:

ՎԵՐՋՆԱԺԱՄԿԵՏԸ՝ 30 նոյեմբեր 2026թ.