թարմացված է առ 03/01/2024թ.

Հարգելի հաճախորդներ, տեղեկացնում ենք, որ տեխնիկական խնդիրների պատճառով,  28․02․2020-ին հաճախորդների սպասարկումը ավարտվելու է 16:00: Հայցում ենք ձեր ներողամտությունը պատճառած անհարմարության համար: 

թարմացված է առ 03/01/2024թ.

թարմացված է առ 22/01/2020թ.

2019թ․ դեկտեմբերի 20-ին հաջողությամբ ավարտվել է «British Standards Institution» վկայագրման մարմնի կողմից «ԱՔՌԱ Քրեդիտ Ռեփորթինգ» ՓԲԸ-ի տեղեկատվական անվտանգության կառավարման համակարգը ISO/IEC 27001:2013 ստանդարտին համապատասխանության վկայագրման աուդիտը: Իսկ սույն թվականի հունվարի 16-ին «British Standards Institution» հավաստագրող կազմակերպության կողմից տրվել է ISO/IEC 27001:2013 ստանդարտին համապատասխանության հավաստագիրը:
«ԱՔՌԱ Քրեդիտ Ռեփորթինգ» ՓԲԸ-ն առաջնորդվում է միջազգային լավագույն փորձով և տեղեկատվական անվտանգության պահանջների կիրառումն ու բարելավումը համարում է իր գործունեության կարևորագույն պայմաններից մեկը։

թարմացված է առ 03/01/2024թ.

 «ԱՔՌԱ ՔՐԵԴԻՏ ՌԵՓՈՐԹԻՆԳ» ՓԲԸ–Ի 2019 ԹՎԱԿԱՆԻ ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐԻ ԱՈՒԴԻՏԻ ՆՊԱՏԱԿՈՎ ԱՈՒԴԻՏՈՐԱԿԱՆ ԸՆԿԵՐՈՒԹՅԱՆ ԸՆՏՐՈՒԹՅԱՆ ՄՐՑՈՒՅԹԻ ԿԱԶՄԱԿԵՐՊՄԱՆ ՄԱՍԻՆ

«ԱՔՌԱ Քրեդիտ Ռեփորթինգ» ՓԲԸ-ն հայտարարում է մրցույթ` «ԱՔՌԱ Քրեդիտ Ռեփորթինգ» ՓԲԸ-ի 2019 թվականի ֆինանսական հաշվետվությունների աուդիտ իրականացնելու նպատակով աուդիտորական ընկերություն ընտրելու համար:

Մրցութային առաջարկությունը պետք է պարունակի մեկ տարվա համագործակցության ծրագիր:

• Մրցութային առաջարկություններն անհրաժեշտ է ներկայացնել հետևյալ հասցեով` ՀՀ, ք. Երևան, 0010, Խորենացի 15, 9-րդ հարկ, «ԱՔՌԱ Քրեդիտ Ռեփորթինգ» ՓԲԸ,
• Մրցութային հայտերի ընդունման վերջնաժամկետն է 2019թ. հոկտեմբերի 30-ը,
• Մրցութային հայտերով ներկայացված տեխնիկական և ֆինանսական առաջարկների գնահատումը և մրցույթի արդյունքների ամփոփումը տեղի կունենա մինչև 2019թ. դեկտեմբերի 30-ը:

Մրցույթին մասնակցելու հրավերը հրապարակված է «ԱՔՌԱ Քրեդիտ Ռեփորթինգ» ՓԲԸ ինտերնետային կայքում:

Լրացուցիչ տեղեկությունների համար կարող եք դիմել «ԱՔՌԱ Քրեդիտ Ռեփորթինգ» ՓԲԸ:

«ԱՔՌԱ Քրեդիտ Ռեփորթինգ» ՓԲԸ

ՀՀ, ք.Երևան, 0010, Խորենացի 15, 9-րդ հարկ, հեռախոս` 52-24-07

Էլ-փոստ:  info@acra.am

Ինտերնետային կայք:  www.acra.am

                                                                                                                                                                      ՀՐԱՎԵՐ

«ԱՔՌԱ ՔՐԵԴԻՏ ՌԵՓՈՐԹԻՆԳ» ՓԲԸ–Ի ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐԻ ՎԵՐՍՏՈՒԳՄԱՆ ՆՊԱՏԱԿՈՎ ԱՈՒԴԻՏՈՐԱԿԱՆ ԸՆԿԵՐՈՒԹՅԱՆ ԸՆՏՐՈՒԹՅԱՆ ՄՐՑՈՒՅԹԻ

«ԱՔՌԱ Քրեդիտ Ռեփորթինգ» ՓԲԸ-ն հայտարարում է մրցույթ` «ԱՔՌԱ Քրեդիտ Ռեփորթինգ» ՓԲԸ-ի ֆինանսական հաշվետվությունների աուդիտ իրականացնելու նպատակով:

1. Մրցույթի մասնակիցները պետք է ներկայացնեն հետևյալ տեղեկատվությունը.

• աուդիտի աշխատանքներին մասնակցող ընկերության փորձը,
• առաջարկում ներկայացված աշխատակիցների որակավորման մակարդակը և փորձը,
• աուդիտի ընդգրկման շրջանակները, աուդիտի իրականացման և աուդիտորական եզրակացության ներկայացման ժամկետները (ներառյալ նախնական աուդիտի անցկացման ժամկետները),
• աուդիտի իրականացման արժեքը,
• լրացուցիչ տեղեկություններ (այդ թվում՝ տեխնիկական և խորհրդատվական աջակցության հնարավորությունները և շրջանակները):

2. Մրցույթի պայմանները.

• «Աուդիտորական եզրակացություն» և «Նամակ ղեկավարությանը» փաստաթղթերը պետք է «ԱՔՌԱ Քրեդիտ Ռեփորթինգ» ՓԲԸ ներկայացվեն ոչ ուշ, քան 2020թ. փետրվարի 28-ը:
• «Աուդիտորական եզրակացություն» և «Նամակ ղեկավարությանը» փաստաթղթերը պետք է կազմվեն հայերեն և անգլերեն լեզուներով:

Մրցութային առաջարկները բոլոր անհրաժեշտ փաստաթղթերի հետ միասին պետք է «ԱՔՌԱ Քրեդիտ Ռեփորթինգ» ՓԲԸ ներկայացվեն մինչև 2019թ. հոկտեմբերի 30-ը, ժամը 17:00` կնքված ծրարներով:

Մրցույթը կկայանա «ԱՔՌԱ Քրեդիտ Ռեփորթինգ» ՓԲԸ-ում, ՀՀ, ք.Երևան, 0010, Խորենացի 15, 9-րդ հարկ հասցեում:

3. Մրցույթի հայտերի պատրաստման կարգը.

• Մրցույթի հայտով ներկայացվող տեղեկությունները և փաստաթղթերը պետք է ներկայացվեն երկու փակ և սոսնձված ծրարներում:
• Մրցույթին մասնակցելու համար Մասնակիցը «ԱՔՌԱ Քրեդիտ Ռեփորթինգ» ՓԲԸ ներկայացնում է մրցույթի հայտ: Մրցույթի հայտը սույն հրավերի հիման վրա Մասնակցի կողմից ներկայացվող առաջարկն է:
• Մրցույթի հայտերով ներկայացվող տեղեկությունները և փաստաթղթերը ներկայացվում են փակ և սոսնձված ծրարներում: Ծրարները և հրավերով նախատեսված` Մասնակցի կողմից կազմված փաստաթղթերը ստորագրում է դրանք ներկայացնող իրավասու անձը:

Մրցույթի հայտի առաջին ծրարի վրա կատարվում են հետևյալ գրառումները.

• ««ԱՔՌԱ Քրեդիտ Ռեփորթինգ» ՓԲԸ, ՀՀ, ք.Երևան, 0010, Խորենացի 15, 9-րդ հարկ» բառերը,
• ««ԱՔՌԱ Քրեդիտ Ռեփորթինգ» ՓԲԸ ֆինանսական հաշվետվությունների վերստուգման նպատակով անկախ աուդիտորական ընկերության ընտրության մրցույթ» բառերը,
• «մրցույթի գնային առաջարկ» բառերը,
• Մասնակցի անվանումը, գտնվելու վայրը, հեռախոսահամարը կամ կապի այլ միջոցները:

Մրցույթի հայտի առաջին ծրարով ներկայացվում են միայն մրցույթի մասնակցի կողմից առաջարկվող աուդիտի ծառայությունների գինը:

Մրցույթի հայտի երկրորդ ծրարի վրա կատարվում են հետևյալ գրառումները.

• ««ԱՔՌԱ Քրեդիտ Ռեփորթինգ» ՓԲԸ, ՀՀ, ք.Երևան, 0010, Խորենացի 15, 9-րդ հարկ» բառերը,
• ««ԱՔՌԱ Քրեդիտ Ռեփորթինգ» ՓԲԸ-ի ֆինանսական հաշվետվության վերստուգման նպատակով անկախ աուդիտորական ընկերության ընտրության մրցույթ» բառերը,
• «մրցույթի տեխնիկական առաջարկ» բառերը,
• մասնակցի անվանումը, գտնվելու վայրը, հեռախոսահամարը, կապի այլ միջոցները:

Մրցույթի հայտի երկրորդ ծրարով ներկայացվում են ծանուցմամբ պահանջվող բոլոր տեխնիկական առաջարկները, տեղեկությունները և փաստաթղթերը (բացի գնային առաջարկից բոլոր այլ էական պայմանները և տեղեկությունները, այդ թվում` աուդիտի ընդգրկման բնագավառները, աուդիտի իրականացման ժամկետները, աուդիտին մասնակցող աշխատանքային խմբի անդամների կողմից ծախսվող օրերի և ժամերի քանակը:

4. Մրցույթի հայտերի ներկայացման պայմանները.

Մրցույթի հայտն անհրաժեշտ է ներկայացնել առձեռն կամ փոստային ծառայության միջոցով` պատվիրված նամակով: Ներկայացված մրցույթի հայտերն ընդունվում են «ԱՔՌԱ Քրեդիտ Ռեփորթինգ» ՓԲԸ-ի գրասենյակում:

5. Մրցույթի հաղթողի ընտրության կարգը

Հաղթողին որոշում է «ԱՔՌԱ Քրեդիտ Ռեփորթինգ» ՓԲԸ-ի Տնօրենների խորհուրդը` մասնակիցներից լավագույն պայմաններ ներկայացրած կազմակերպությունների ցանկից:

Հաղթող ճանաչված աուդիտորական ընկերության հետ պայմանագիրը կկնքվի մինչև 2019թ. դեկտեմբերի 30-ը:

թարմացված է առ 03/01/2024թ.

2019թ. հոկտեմբերի 18-ին հեռակա (հարցման) կարգով գումարվելու է «ԱՔՌԱ Քրեդիտ Ռեփորթինգ» ՓԲԸ Բաժնետերերի արտահերթ ընդհանուր ժողով:

թարմացված է առ 03/01/2024թ.

Ուզբեկստանի կենտրոնական բանկի և առևտրային բանկերի ներկայացուցիչների պատվիրակությունը ՈՒԿԲ նախագահի տեղակալ Բոտիր Զախիդովի գլխավորությամբ սեպտեմբերի 24-ից 27-ը ՀՀ ԿԲ կատարած այցի շրջանակներում այցելել է նաև ԱՔՌԱ վարկային բյուրո:
Հանդիպման ընթացքում ԱՔՌԱ վարկային բյուրոյի գործադիր տնօրեն Աշոտ Գաբրիելյանը ներկայացրել է կազմակերպության կողմից վարկային տեղեկատվության հավաքագրման, վարկային պատմությունների ձևավորման և վարկային զեկույցների տրամադրման ընդհանուր սկզբունքները: Քննարկվել են վարկային բյուրոյի գործունեության առանձնահատկությունների, ինչպես նաև այս ոլորտում երկու երկրների միջև փորձի և գիտելիքների փոխանակման հնարավորությունների վերաբերյալ հարցեր:

թարմացված է առ 03/01/2024թ.

Հարգելի՛ Քաղաքացիներ, տեղեկացնում ենք, որ առևտրային բանկերի և վարկային կազմակերպությունների հետ համատեղ քննարկումների արդյունքում որոշում է կայացվել բարելավել մանր վարկեր ունեցող ֆիզիկական անձանց վարկային պատմությունները։ Հաշվի առնելով հնչեցված առաջարկները՝ «ԱՔՌԱ Քրեդիտ Ռեփորթինգ» ՓԲԸ-ի Տնօրենների խորհրդի կողմից կայացվել է որոշում, որի համաձայն՝ սկսած 2018 թվականի հուլիսի 1-ից ֆիզիկական անձ հանդիսացող վարկառուների, վերջիններիս համավարկառուների և երաշխավորների վերաբերյալ տրամադրվող վարկային զեկույցներում չեն ներառվելու մինչև 2018 թվականի մայիսի 1-ը ներառյալ ժամկետանց դարձած և/կամ դասակարգված այն վարկերի մասին տեղեկատվությունը, որոնց պայմանագրային մայր գումարը (պայմանագրի կնքման պահին) չի գերազանցում 50.000 ՀՀ դրամը *:

Միաժամանակ նշենք, որ սա մեկանգամյա գործընթաց է և չի վերաբերելու նշված ժամանակահատվածից հետո խնդրահարույց դարձած վարկերին:

 Oրինակ՝ եթե ֆիզիկական անձին  02.09.2017թ.-ին տրամադրվել է վարկ, որի պայմանագրով սահմանված մայր գումարը 43.000 ՀՀ դրամի չափ է  և 31.01.2018թ.-ին վարկը դասակարգվել է, ապա 2018թ.-ի հուլիսի 01-ից այն այլևս չի արտացոլվի վարկային զեկույցում:

* Արտարժույթով տրամադրված վարկերի դեպքում՝ 50.000 ՀՀ դրամին համարժեք արտարժույթը,որը հաշվարկված է 2018 թվականի ապրիլի 30-ի դրությամբ ՀՀ կենտրոնական բանկի կողմից  հրապարակված արժութային շուկաներում ձևավորված միջին փոխարժեքով

թարմացված է առ 03/01/2024թ.

Տեղեկացնում ենք, որ «ԱՔՌԱ Քրեդիտ Ռեփորթինգ» ՓԲԸ Բաժնետերերի տարեկան ընդհանուր ժողովը գումարվելու է 2018 թվականի հունիսի 28-ին:

թարմացված է առ 03/01/2024թ.

Հարգելի հաճախորդներ,
Տեղեկացնում ենք, որ 2017 թվականի նոյեմբերի 22-ին տեղի է ունեցել «ԱՔՌԱ Քրեդիտ Ռեփորթինգ» ՓԲԸ Բաժնետերերի արտահերթ հեռակա ընդհանուր ժողովը:

թարմացված է առ 03/01/2024թ.

Հարգելի հաճախորդներ,
Տեղեկացնում ենք, որ «ԱՔՌԱ ՔՐԵԴԻՏ ՌԵՓՈՐԹԻՆԳ» ՓԲԸ հայտարարում է մրցույթ՝ Ծրագրավորող/Ավագ ծրագրավորող թափուր աշխատատեղի համար:

Թափուր աշխատատեղեր

Պաշտոն՝  Ծրագրավորող/ Ավագ ծրագրավորող

Աշխատանքային ժամեր՝  9:00-18:00

Աշխատատեղի նկարագիր՝

• Ընթեռնելի կոդի կազմում և նախագծում;
• Ծրագրավորմանն առնչվող բոլոր փուլերին մասնակցություն;
• Մանրամասն նկարագրերի կազմում;
• Հիմնական ծրագրի և տվյալների շտեմարանների անխափան աշխատանքի ապահովվում, սպասարկում, թեստավորում և սխաների ուղղում;
• Սխալների ուղղման պատասխանատու/ ներկա և նախագծվող նոր ծրագրերի տեխնիկական աջակցություն:

Անհրաժեշտ որակավորում՝

• 5+ տարվա PHP ծրագրավորման փորձ;
• ԻՏ մասնագիտական կամ համապատասխան այլ տեխնիկական կրթություն (բակալավր/մագիստրոս);
• MySQL տվյալների շտեմարանների նախագծում և ծրագրովորում;
• front-end տեխնոլոգիաների վարժ տիրապետում՝ JavaScript, HTML5 and CSS3;
• MVC և OOP տիրապետում;
• RESTful APIs իմացություն;
• Git կամ նմանատիպ համակարգերի տիրապետում:

Հմտություններ`

• Ծառայությունների սպասարկան ծրագրավորման փորձ;
• Ինքնուրույն աշխատելու կարողություն և սովորելու  ձգտում;
• Ծանրաբեռնված կայքերի նախագծման փորձ;
• C# իմացությունը առավելություն է;
• MS SQL Server կամ Postgres իմացություն;
• NET MVC իմացություն;
• Angular կամ Angular2 իմացությունը առավելություն է:

Անհրաժեշտ փաստաթղթեր` Հետաքրքրված անձինք պետք է ներկայացնեն համառոտ ինքնակենսագրություն (ցանկալի է նկարով) info@acra.am էլ. Հասցեով`  նամակի առարկայի դաշտում նշելով “Programmer “

Վերջնաժամկետ՝ 05.05.2017թ:

թարմացված է առ 03/01/2024թ.

Հարգելի հաճախորդներ,
Տեղեկացնում ենք, որ «ԱՔՌԱ Քրեդիտ Ռեփորթինգ» ՓԲԸ Բաժնետերերի տարեկան ընդհանուր ժողովը տեղի է ունեցել 2017թ. ապրիլի 20-ին, ժամը 17։00-ին, ՀՀ Կենտրոնական բանկի վարչական շենքում` ՀՀ, ք.Երևան, Վազգեն Սարգսյան 6 հասցեում: