Առցանց եղանակով վարկային պատմության ստացման քայլերը

Ֆիզիկական անձինք առցանց տարբերակով վարկային զեկույց ստանալու համար պետք է կատարեն հետևյալ քայլերը.

1. Մուտք գործելով www.acra.am կայք՝ սեղմել «Ֆիզիկական անձ հաճախորդների մուտք» դաշտը,
2. Սեղմել «Գրանցվել» դաշտը,
3. Լրացնել պահանջված տեղեկատվությունը և հաստատել պայմաններին ծանոթացման կետը,
4. Մուտքային տվյալներում լրացված էլեկտրոնային հասցեին ստացված հաղորդագրությամբ ուղարկված հղման միջոցով ակտիվացնել օգտահաշիվը,
5. Նկարել կամ սկանավորել անձնագրի 2-րդ-3-րդ էջերը և սոցիալական քարտը (կամ նույնականացման քարտը՝ երկու կողմից) և «Viber» հավելվածի միջոցով ուղարկել +374 95 522 467 հեռախոսահամարին։

Վերոգրյալ գործողությունները կատարելուց հետո «Viber» հավելվածի տեսազանգի միջոցով կզանգահարենք, կտեսաձայնագրենք և կնույնականացնենք Ձեր օգտահաշիվը ։

Իրավաբանական անձինք առցանց տարբերակով վարկային զեկույց ստանալու համար պետք է կատարեն հետևյալ քայլերը

1. Մուտք գործելով www.acra.am կայք՝ սեղմել ««Բնակչության համար/ Առևտրային վարկային զեկույց» դաշտը,
2. Ներբեռնել վարկային զեկույց ստանալու դիմումի ձևը,
3. Լրացնել դիմումում առկա բոլոր դաշտերը, ստորագրել և կնքել (կնիքի առկայության դեպքում),
4. help@acra.am էլեկտրոնային հասցեին ուղարկել ստորև նշված փաստաթղթերը՝
   • Լրացված դիմումի սկանավորված տարբերակը,
   • Պետական ռեգիստրի գրանցման վկայականի սկանավորված տարբերակը՝ բոլոր ներդիրներով, կամ պետական միասնական գրանցամատյանից քաղվածք,
   • Սուբյեկտի գործադիր մարմնի ղեկավարի անձնագրի կամ նույնականացման քարտի սկանավորված տարբերակը։
5. Տրամադրել բջջային հեռախոսահամար «Viber» հավելվածի հնարավորությամբ։